Jeta e Lil Wayne është e turbullt për shkak të kujtesës së tij. Reperi i lindur në New Orleans zbuloi në një intervistë të re me Rolling Stone se nuk i kujtohet se cilat nga këngët e tij ishin pjesë e cilit prej albumeve të tij të famshme.
Unë nuk e njoh ‘Tha Carter III’, ‘Tha Carter II’, ‘Tha Carter One’ nga ‘Tha Carter IV’”dhe kjo është vetëm e vërteta. Mund të gënjesh, mund të më pyesësh për këngën e tillë, as unë nuk do ta dija se për çfarë po flasim.
Reperi i “Lollipop” tha se humbja e kujtesës është aq e keqe sa nuk e kujton se kur dolën albumet e tij, duke përmendur si shembull “Tha Carter III”. Artisti thuhet se ka një histori problemesh shëndetësore, përfshirë një betejë të gjatë me epilepsinë. Në vitin 2017, reperit iu desh të anulonte një shfaqje në Las Vegas. Ai thuhet se u gjet pa ndjenja në dhomën e tij të hotelit në Chicago në atë kohë. Pavarësisht vështirësive të tij, Lil tha për Rolling Stone se nuk ka plane të ngadalësojë ritmin.
Unë dua që reperët e brezit të ri të marrin diçka nga kjo.
Rikujtojmë, se Lil u përball para disa muajsh me një padi prej 500 mijë dollarësh nga ish-kuzhinierja e tij Morghan Medlock, e cila pretendon se reperi e ndërpreu kontratën e saj gabimisht pasi ajo duhej të kujdesej për djalin e saj të plagosur. Reperi u akuzua për hakmarrje dhe praktika të shumta të paligjshme të punës.
