Ylli i popit, Ellie Goulding, ka folur për seksizmin që përjetoi kur u kthye në punë pasi u bë nënë. Ellie dhe bashkëshorti i saj, Caspar, festuan lindjen e fëmijës së tyre të parë së bashku, Arthur Eve Winter Jopling, në maj.
Që atëherë, këngëtarja i është rikthyer botës së muzikës, teksa duket se po ia del mjaft mirë të balancojë të qenit nënë dhe karrierën e saj të suksesshme. Duke folur në podkastin e Reign me Josh Smith, Ellie tha si më poshtë.
Ka një gjë që e kam vënë re, e cila është se më pyesin shumë: “Oh, ti tashmë po punon”. Casparin, nuk e kanë pyetur asnjëherë “a je i sigurt që dëshiron të kthehesh në punë”.
Gjithmonë më thonë gjëra të tilla, si për shembull: “Oh bravo, bravo që u bëre nënë kur je duke punuar, bravo për ty”. Është e çmendur që ne ende mendojmë se gratë nuk mund t’i bëjnë të dyja. Ne mund të bëjmë shumë detyra dhe mund të punojmë.
Ju e dini, kjo është një sfidë. Unë gjithashtu me të vërtetë i respektoj gratë që thjesht duan të bëhen nëna, sepse është një punë me kohë të plotë. Ka anën emocionale. Por është edhe ana fizike. Veçanërisht nëse jeni duke ushqyer me gji, duhet të ngriheni natën, kështu që, nuk do të jeni në gjendje të funksiononi aq mirë ditën tjetër…
