Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Fashion Gossip Showbiz

Georgina Rodriguez shkëlqeu në Festivalin e Filmit në Kanë, por ekspertët e modës nuk mendojnë kështu!

Festivali i Kanës ka gjithmonë vëmendjen maksimale të mediave, sidomos këtë vit që u zhvillua në muajin korrik, ndryshe nga të gjithë herët e tjera. Personazhe të famshëm, duke nisur nga aktorë, modele dhe blogerë të famshëm kaluan në tapetin e kuq, me përpjekjen për të tërhequr vëmendjen e të gjithëve.

Por mes gjithë atyre personazheve që shkëlqyen, ishte edhe aktorja Andie MacDowell që arriti të fitonte vëmendjen me flokët e saj super natyral, të thinjur. Ky vit duket se ka të bëjë me tonet e ndritshme dhe fytyrat e pastra. Pjesë e ngjarjes ishte edhe modelja e njohur Bella Hadid, e cila doli në tapetin e kuq për shfaqjen e filmit “Annette” në një fustan bardh e zi, i detajuar me një nga trend-et kryesore të kësaj vere.

Së fundmi, në tapetin e kuq këtë edicion ka parakaluar edhe Georgina Rodriguez, partnerja e superyllit të futbollit, Cristiano Ronaldo-s.

Thjesht fakti që është partnerja e CR7, nuk ka sesi bukuroshja mos të jetë në qendër të vëmendjes. Rodriguez ishte fokusi kryesor për fotoreporterët.

Georgina u shfaq me një fustan të gjatë ngjyrë kafe, të ngushtë, me një dekolte të hapur që vinte në pah format e saj perfekte trupore. Krijimet asimetrike të Jean Paul Gaultier gjithashtu kishin detaje lëkure që zbukuronin pjesën e supit dhe shpatullën.

Modeli klasik i fustanit me një dekolte të hapur duket se është nga të preferuarit e saj, por disa ekspertë të modës besojnë se nuk është për të dhe se “ajo duhet të shmangë modele të tilla”, dhe se “ngjyra dhe prerja janë një dështim”. Gjithësesi, fansat janë mahnitur me dukjen dhe përzgjedhjen e bukuroshes duke i bërë miliona pëlqime dhe komplimente të shumta.

Ju rikujtojmë paraqitjen e modeles së njohur Bella Hadid e cila mahniti me një gjerdan prej bronzi para fustanit të saj dekolte klasik të zi. Gjerdani ishte frymëzuar nga mushkëritë e njeriut nga projektuesi Daniel Roseberry për koleksionin Vjeshtë 2021 të markës ‘Schiaparelli’.

Ndërkaq, Georgina dhe Cristiano Ronaldo janë një prej çifteve më të famshme dhe më të komentuara të showbiz-it. Bukuroshja nuk mungon asnjëherë në ndeshjet e tij. Në ndeshjen Portugali-Belgjikë, 27-vjeçarja qëndronte në rreshtin e parë të stadiumit dhe ajo që u vu re ishte që poshtë kanotjerës së saj të bardhë modelja kishte një mikrofon të zi i cili dukej mjaft lehtësisht.

Influencuesja e famshme e Instagram-it, së shpejti do të sjelli një dokumentar të ri në gjuhën spanjolle për jetën dhe karrierën e saj si një yll i mediave sociale. Georgina e bëri të ditur këtë nëpërmjet një postimi në Instagram duke thënë se ishte shumë e emocionuar dhe e lumtur për projektin e ri.