Aktorja, këngëtarja dhe kërcimtarja Jennifer Lopez së fundmi ka qenë në qendër të vëmendjes, jo vetëm për artin që bën, por edhe për historitë e saj të dashurisë. Me sa duket, Jennifer është përsëri në një lidhje dashurie me aktorin, tekstshkruesin dhe regjizorin Ben Affleck.
Çifti u fejua në vitin 2002, por në 2004 i dhanë fund romancës së tyre. Burime të afërta me dyshen kanë pohuar për “Us Weekly” se ata po shoqërohen me njëri tjetrin por kanë vendosur të mos e emërtojnë marrëdhënien e tyre.
Por, së fundmi është bërë e ditur se miqtë e J.Lo janë duke e shmangur atë. Pse mendoni ju?! Sipas “Gossip Cop” diva latine ka qenë e fiksuar me veten së fundmi. Egoja e saj u bë shumë e madhe për miqtë e saj në Hollywood. Një burim i afërt tha në lidhje me situatën se:
Shumë janë të kënaqur që janë në gjendje të shoqërohen me një femër kaq të mahnitshme, por ata janë të lodhur nga historitë e saj. Kohët e fundit, miqtë e saj janë mërzitur që çdo fjalë tjetër e saj është ‘Unë’. Kjo është arsyeja pse po bëhet e padëshirueshme në shoqëri. Jennifer është aq e përqendruar në vetvete saqë nuk dëshiron as të përqafojë miqtë e saj në mënyrë që të mos i prishet grimi.
Rikujtomë, se reperi i njohur, Diddy së fundmi më veprimin e tij i ka habitur të gjithë. Artisti ka publikuar një foto në Instagram krah divës së muzikës pop, J.Lo, foto kjo e realizuar gjatë kohës që ata ishin në një lidhje dashurie me njëri tjetrin.
Së fundmi, Alex Rodriguez dhe Jennifer në bashkëpunim me markën “Hims & Hers” kanë prezantuar një linjë kozmetike për burra. Edhe pse dyshja i dha fund lidhjes së tyre 3-vjecare, ata kanë vendosur të mos heqin dorë nga biznesi i tyre i përbashkët.
