Dizajneri ndërkombëtar Jozeph Forakis ka projektuar së fundmi një superjaht, i cili do të bënte të “padukshëm” miliarderët teksa lundronin në det. Jahti është konceptuar të ndërtohet i tëri me pasqyra për të reflektuar detin dhe qiellin. Ai është quajtur Pegasus dhe ka një gjatësi prej 88 metrash. Ky do të jetë jahti i parë në botë 3D me një dizajn të padukshëm. Ai do të ketë panele diellore të integruara, ndërsa do të pasqyrojë qiellin e mjedisin përreth.
Foakis është shprehur se krahët e tij reflektues do të jenë të gjendje të prodhojnë energji diellore, ndërsa do të ketë edhe një burim hibrid hidrogjeni. Deri tani, ende nuk ka një çmim për “Pegasus”, por me siguri ai do të synojë njerëzit më të pasur në botë. Superjahti është parashikuar që të ndërtohet deri në vitin 2030.
Unë u frymëzova për të krijuar një jaht sa më afër detit dhe natyrës, i bërë nga retë që notojnë mbi vijën ujore. Doja të nderoja natyrën duke u përzier në të, duke u bërë praktikisht e padukshme.
Pjesa qendrore e dizajnit futuristik të brendshëm është “Pema e Jetës” me shumë nivele, një monument i gjallë. Pema shtrihet vertikalisht në të katër nivelet e shoqëruar nga një shkallë spirale skulpturore. Sallonet e bollshme të mysafirëve shfaqin ekuilibrin harmonik të dizajnit minimalist dhe natyrës së gjallë.
