Princesha e Uellsit Kate Middleton mesa duket ‘sundon zemrat’ e britanikëve, duke lënë pas Mbretëreshën Consort dhe Meghan Markle në një sondazh kombëtar për fushatën “Girls Out Loud”. Kate kryesoi listën pasi u votua si gruaja më frymëzuese e vitit në Britaninë e Madhe duke siguruar 35% të votave.
![](https://www.topalbaniaradio.com/v7/wp-content/uploads/2022/09/kate-middleton-sandringham-estate-091522-2a11abb35bc340afaa6df7136a29575f.jpg)
Mes kandidatëve ishin edhe ish-kryeministrja britanike Liz Truss, Rochelle Humes dhe Emma Watson. Përveç kësaj, Camilla mori 18% të votave, ndërsa Dukesha e Sussex-it mori 17% të votave. Humes mori mbështetjen e 25% të atyre që votuan në sondazh, duke zënë vendin e dytë në listë ndërsa Truss zbarkoi në vendin e tretë me 23%.
![](https://www.topalbaniaradio.com/v7/wp-content/uploads/2022/09/0_FILES-BRITAIN-ROYALS-WILLIAM-KATE.jpg)
Rikujtojmë, se Princi William dhe Middleton do të marrin pjesë në ceremoninë e dytë vjetore të ndarjes së çmimeve “Earthshot Prize” në Boston më 2 dhjetor duke shënuar udhëtimin e tyre të parë në SHBA që nga viti 2014. Ndërkaq, së fundmi thuhet se Middleton, është e mërzitur me Camilla-n, gruan e mbretit Charles III. Burime pranë familjes kanë pohuar se Kate beson se sjellja e Camilla-s ka ndryshuar për keq që nga vdekja e Mbretëreshës Elizabeth II.
![](https://www.topalbaniaradio.com/v7/wp-content/uploads/2022/10/kate-camilla.jpg)
Ata madje shkuan aq larg sa thanë se dyshja kishin një debat të ashpër në Pallatin Buckingham gjatë së cilës Kate zbuloi saktësisht se si ndihej për Camilla-n. Nga ana tjetër Kate është e gatshme t’i japë fund përçarjes me Meghan Markle, duke shpresuar se marrëdhëniet me të do të rregullohen në vizitën e saj të ardhshme në Shtetet e Bashkuara. Ndërkohë që Meghan dhe Kate mund të jenë gati për t’i qetësuar gjërat, burimet thonë se William nuk mund ta falë ende vëllain e tij të vogël.