Një nga aksesorët e domosdoshëm për vajzat është edhe përdorimi i maskarës për të pasur qerpikë në formë perfekte. Qerpikët e kthyer tregojnë një pamje ndryshe dhe sy më të mëdhenj. Nëse jeni në nxitim apo kur udhëtoni nuk keni pasur mundësi të merrni çantën tuaj të make-up-it përsëri ka metoda që të rregulloni pamjen e fytyrës.
Ja 3 prej tyre:
1.Duke përdorur gishtin
Fërkojini duart për të rritur nxehtësinë e gishtërinjve dhe më pas përdorni gishtin tregues për të kthyer qerpikët për afërisht 20 sekonda. Nuk ndodh ndonjë mrekulli, por të paktën ka një ndryshim të vogël.
2.Duke përdorur një lugë
Kjo metodë mund të jetë e rrezikshme prandaj kini kujdes. Ngrohni një lugë duke e mbajtur në ujë të nxehtë për pak sekonda. Përpara se të veproni, provojeni nxehtësinë e lugës në pëllëmbë, sepse nuk duhet të jetë shumë e nxehtë. Pastaj, jepuni formë qerpikëve duke e mbajtur lugën për afërsisht 10-20 sekonda.
3.Duke përdorur një shkop pambuku
Kjo metodë funksionon afërsisht njësoj si kur përdorni maskarën e qerpikëve, nëpërmjet furçës së gatshme. Madje, mund të lyeni qerpikët me rimelin tuaj dhe më pas t’u jepni formë nëpërmjet shkopit të pambukut. Do ta shihni që ka rezultat. Këto muaj të nxehtë vere e bëjnë vendosjen e tualetit diçka më shumë të bezdisshme se sa një kënaqësi. Nuk ka përse të jetë kështu, gjithsesi.
Me produktet dhe aplikimin e duhur, make-up juaj mund të zgjasë më shumë përgjatë ditës, pa e ndjerë rëndesën e tij në fytyrë dhe pa ju shkrirë i gjithi. Të zgjedhësh produktet e duhura dhe t’i aplikosh mirë është gjysma e mbarë e punës, por nuk përfundon këtu. Duhen zgjedhur ngjyrat e duhura për të krijuar një pamje plotësisht verore.
