Jemi në prag të pranverës dhe shumë familje po planifikojnë të lyejnë muret e shtëpisë. Sidomos kur arredimi është përcaktuar, fokusi është në ngjyrën e mureve. Ngjyrat e mureve të shtëpisë nuk janë thjesht nuanca, por ato ndikojnë apo plotësojnë stilin tuaj personal për të dekoruar dhe dizajnuar ambientet e brendshme të shtëpisë. Ngjyrat janë gjithashtu shumë të rëndësishme për të krijuar atmosferë.
Mente, jeshile
Kjo ngjyrë e freskët ju krijon idenë e një oazi tropikal. Në varësi të ndriçimit, shtëpia merr nuancën e një menteje të fortë ose një nuance më të butë.
Koral
Kjo është ngjyra që sugjeron dizajneri Janie Molster, sidomos nëse kombinohet me mobilje të kuqe dhe të bardha.
E kuqe e zbehtë
Energji dhe shumë gjallëri, ky sallon i dizejnuar nga Krsnaa Mehta do ju frymëzojë të guxoni.
E verdhë e fortë
Ju frikëson ideja e të pasurit një dhomë gjumi të verdhë? Thjesht lyeni një pjesë, një derë ose një faqe muri.
Blu e ndritshme
Një blu e ndritshme funksionon veçanërisht mirë kur shoqërohet me jeshile.
E bardha
Një mënyrë e pagabueshme për të ndriçuar shtëpinë tuaj në sezonin e pranverës është padyshim e bardha.