Pavarësisht se luftime të ashpra po zhvillohen mes forcave ukrainase dhe atyre ruse, në Ukrainë jeta po vazhdon. Këtë e dëshmojnë më së miri martesat e shumta që po ndodhin mes çifteve të reja, madje shumë prej tyre po gjejnë pak minuta kohë të lirë që të kurorëzojnë dashurinë e tyre dhe të rikthehen në vijën e parë të frontit, duke përcjellë kështu një mesazh shprese dhe rezistence.
Rasti më i fundit janë dy çifte që u martuan në Donetsk, ku Forcat e Armatosura të Ukrainës publikuan në Facebook, fotografitë e dy çifteve. Në vend që të shfaqeshin para priftit me fustan të bardhë dhe kostum, disa prej tyre janë larguar për pak çaste nga vija e frontit pra me veshje ushtarake për t’i thënë ‘po’ partnerit.
Një ushtar ukrainas i quajtur Anton, i cili ka qenë në front që nga fillimi i luftës, erdhi në Kharkiv me leje speciale për t’u martuar me të dashurën e tij. Gruaja e Anton, 21-vjeçarja Ira, tha se ata u takuan një vit e gjysmë më parë dhe kishin planifikuar ditën e martesës para luftës, duke thënë se lufta nuk e pengon atë të martohet dhe të krijojë një familje të re.
Edhe pse intensiteti i bombardimeve në Kharkivit është ulur, bomba dhe raketa më të fuqishme kanë shpërthyer në qytet. Kryetari i Bashkisë së Kharkivit Ihor Terekhov, gjatë maratonës mbarëkombëtare tha se:
Situata, natyrisht, është e tensionuar, por nën kontroll. Por banorët e Kharkivit janë njerëz të guximshëm. Tregjet funksionojnë. Bizneset e vogla po fillojnë të hapen. Por, sigurisht, duhet të jemi shumë të kujdesshëm. Agresori rus mund të sulmojë në çdo moment.