Spektakli më i madh i kërcimit në vend së shpejti do të nisë. “Dancing with the Stars”, show magjik i kërcimit që do të nisë shumë shpejt në Top Channel. Programi më popullor i kërcimit në botë, me patentë të BBC, do të jetë ekskluzivisht në Top Channel, ku pritet të ketë emra mjaft të njohur të showbiz-it.
Disa nga emrat që janë zbuluar deri tani janë politikani Saimir Korreshi, i cili është deputet në Lushnje, i njohur për fjalimet e tij të mbushura me batuta dhe për personazhin atipik që ka krijuar në Parlamentin shqiptar, këngëtarja dhe moderatorja e njohur Enxhi Nasufi, e cila prej vitit të shkuar dhe aktualisht moderon “Wake Up” dhe bukuroshja Atalanta Kërçyku, fituese e shumë çmimeve të bukurisë. Por kush është konkurrentja e radhës?!
Sipërmarrësja dhe blogerja e njohur Sara Karaj është konkurrentja më e fundit e zbuluar nga faqja zyrtare e Dancing With The Stars në Instagram. Me biznesin e kozmetikës, postimet e shumta në rrjete sociale dhe madje një kanal të vetin në YouTube, Sara ka fituar dashurinë e publikut dhe me siguri të gjithë janë gati ta shohin në një tjetër fushë.
View this post on Instagram
Bashkë me të do kërcejë balerini profesionist, Erindi, kampion në Dance sportiv. I urojmë shumë suksese çiftit dhe presim spektakël nga dyshja!