Këngëtarja e njohur Celine Dion, ka publikuar albumin e saj të fundit 4 vite më parë dhe tani, 4 muaj pas diagnostikimit të sëmundjes së saj të rrallë, ajo do të publikojë një këngë të re. Kënga, ‘Love Again’ është për filmin me të njëjtin emër, në të cilin këngëtarja, ka rolin e saj, duke luajtur së bashku me Sam Heughan dhe Priyanka Chopra. ‘NEW TRACK ALERT!’ ka shkruar ajo në Instagram.
View this post on Instagram
Më 5 maj, filmi del në kinema dhe më 12 maj, albumi i plotë, me 5 këngë të reja të Celine, do të jetë i disponueshëm. Dion luan veten në këtë film. Në një deklaratë për shtyp, ylli i muzikës tha:
U kënaqa shumë duke bërë këtë film dhe të kem privilegjin të shfaqem me aktorët e bukur dhe të talentuar Priyanka Chopra Jonas dhe Sam Heughan në filmin tim të parë artistik është një dhuratë që do ta ruaj përgjithmonë. Mendoj se është një histori e mrekullueshme për t’u ndjerë mirë dhe shpresoj që njerëzit do ta pëlqejnë atë dhe gjithashtu do t’i pëlqejnë këngët e reja.
Rikujtojmë se disa muaj më parë këngëtarja e “Bese You Loved Me” zbuloi se ishte diagnostikuar me çrregullimin e rrallë neurologjik të quajtur sindroma e personit të ngurtë. Gjendja, e cila prek një në një milion njerëz dhe bën që muskujt të tensionohen në mënyrë të pakontrolluar, përfundimisht i lë të sëmurët si ‘statuja njerëzore’ pasi gradualisht e mbyll trupin në pozicione të ngurta, duke i lënë të prekurit të paaftë të ecin ose të flasin.
