Majk padyshim që është një nga reperët më të klikuar dhe sidomos refrenet e tij dhe theksi shumë i veçantë e bën reperin të jetë vërtet unik. Jeta personale e reperit shpesh ka qenë ‘kryefjalë’ e mediave dhe kjo për arsye se artisti shpesh fotografohet nga paparacët në shoqërinë e vajzave (të njohura për publikun ose jo).
Artisti solli një projekt të ri muzikor që u publikua në 1 dhjetor të titulluar “E pa shpirt” që rezultoi një sukses i vërtetë thënë kjo nga fakti se në vetëm kaq pak kohë një këngë solo ka arritur të ketë miliona klikime në platformën YouTube. E duket se Majk nuk ka të ndalur me suksese dhe vetëm pak më parë ka paralajmëruar këngën e tij më të re që mban titullin ‘Para se me shku’. Reperi gjithashtu na ka zbuluar se do të publikohet ditën e diel në orën 17:00.
Artisti është prej shumë vitesh pjesë e tregut muzikor dhe showbiz-it ndaj dhe numri i fansave padyshim që është i madh në numër. Me anë të një Instastory, Majk nuk ka ngurruar aspak të na e tregojë dashurinë e madhe që këta të fundit kanë ndaj tij në një video ku reperi shfaqet në makinë dhe përballë tij ndodhet në autobus me fëmijë dhe ata sapo e kanë parë janë entuziasmuar duke brohoritur për të.
