Një nga spektaklet më të ndjekura dhe më të suksesshme deri më tani padyshim që mund të themi se është “Dancing With The Stars”. Show-n magjik më të përfolur të momentit. Personazhet vip dhe artistët pjesë e kastit të “DWTS” së bashku me balerinët profesionistë dhurojnë show çdo të premte. Episodin e kaluar një surprizë e papritur erdhi për konkurrentët dhe publikun, pasi dy çiftet më të votuara të mbrëmjes u vendosën si liderët e dy grupeve të ndryshme ku duhet të përzgjidhnin sipas radhës çifte për të garuar këtë të premte.
Performanca e skuadrës “Llokumet” arriti të vlerësohej me 37 pikë ndërkohë që skuadra tjetër “Zap” është vlerësuar me 33 pikë dhe pas llogaritjes së pikëve të publikut, skuadra e “Llokumeve” arriti të krijonte imunitet ndërkohë që skuadra “Zap” do të duhet të përballeshin nëpërmjet performacave me njëri-tjetrin mes çifteve.
- Megi dhe Jurgen – 33 pikë
- Isli dhe Ledia – 31 pikë
- Deborah dhe Niko – 30 pikë
- Salsano dhe Lori – 30 pikë
- Elona dhe Anxhelo – 23 pikë
Pas pesë super mbrëmjeve me performaca shumë të zgjedhura në zhanre të ndryshme, çifti i cili lë garën për mbrëmjen e sotme është Elona dhe Anxhelo. Edhe pas performacave në skuadrën “Zap” ku u vlerësuan së bashku me 33 pikë nga juria, çiftet u përballën edhe njëherë me njëri-tjetrin me kërcime të ndryshme. Pas mbledhjes së pikëve të jurisë dhe vlerësimin të publikut, Elona & Anxhelo u përball në ‘Dance Off’ me Salsano & Lori. Pas përfundimit dhe vlerësimit të jurisë, Elona u shpreh:
Është një nga eksperiencat më të bukura në jetë, që do ta mbaj mend gjatë. Faleminderit të gjithë organizatorëve, koreografëve dhe jurisë.
