Portreti i fundit i pikturuar nga Gustav Klimt, “Dame mit Facher” ose ndryshe “Gruaja me erashkë”, u shit për 86 milionë euro në Sotheby’s në Londër, duke vendosur kështu një rekord të ri evropian për shitjen e një vepre arti. Lajmi është bërë i ditur nga vetë shtëpia e ankandeve.
Pas një ‘lufte’ prej dhjetë minutash në ankand midis katër klientëve në telefon dhe të pranishëm në dhomë, piktura u rrit në çmimin marramendës prej miliona eurosh, duke vendosur kështu për një vepër arti evropiane një rekord të ri ankandi për Gustav Klimt. Një vepër mbi temën e preferuar të Gustav Klimt-it, formën femërore, “Gruaja me erashkë” pasqyron ndikimin e lëvizjes japoneze në artin modern dhe stilin unik të Klimt-it. Piktura e Klimt, e filluar në 1917, mbeti e papërfunduar. Artisti nuk e kishte përfunduar ende kur ndërroi jetë në shkurt 1918.
Veshja e gruas dhe freskuesja në dorë kanë gjithashtu dizajne të zbukuruara. Porta është gjithashtu plot me elementë dekorativë dhe pasqyron lëvizjen e arteve dhe artizanatit që u shfaq në Angli në shekullin e 19-të. Çmimi i mëparshëm më i lartë i arritur ndonjëherë në Evropë i përkiste skulpturës “Walking Man I” nga Alberto Giacometi, e cila u hodh në ankand për 76 milionë euro gjithashtu në Sotheby’s në shkurt 2010.
