Bota Lifestyle

Qyteti më i shtrenjtë në SHBA për të rritur një fëmijë!

Kostoja mesatare vjetore e rritjes së një fëmije në Zonën e Gjirit të San Franciskos është gati dyfishi i asaj që paguajnë zakonisht amerikanët, sipas një analize të 381 qyteteve amerikane nga platforma këshilluese financiare SmartAsset. Rritja e një fëmije në San Francisko kushton mesatarisht 35,647 dollarë ose 33,217,66 euro në vit, duke e bërë qytetin vendin më të shtrenjtë në SHBA për të rritur një familje.

Kjo është shumë më e lartë se mesatarja e përgjithshme e SHBA prej 20,813 dollarë në vit dhe gati tre herë më e ulët se qyteti i Morristown, Tenesi, ku kostoja e rritjes së fëmijëve është 14,577 dollarë në vit. Kostot përfshijnë ushqimin, strehimin, kujdesin për fëmijët, kujdesin shëndetësor dhe kostot e transportit. Artikulli më i madh në koston totale është strehimi, i cili varion nga 12,000 deri në 13,000 dollarë në vit, në varësi të vendndodhjes. 8 nga 15 qytetet më të shtrenjta për të rritur një fëmijë ndodhen në Kaliforni.

Çuditërisht, pavarësisht kostove relativisht të ulëta të strehimit, qytetet e Miçiganit janë ndër vendet më të shtrenjta në SHBA për të rritur një fëmijë, me Ann Arbor, Kalamazoo dhe Detroit në top 15. Nga ana tjetër, shtatë nga 15 qytetet më të mira të Amerikës për të rritur një fëmijë mund të gjenden në Karolinën e Jugut. Charleston, Greenville, Columbia dhe Hilton Head janë ndër më të lirat, me kosto mesatare vjetore rreth ose nën 16,000 dollarë.