Celebrities Gossip Showbiz

Sa romantike Bebe Rexha, këngëtarja uron partnerin me rastin e ditëlindjes së tij!

Këngëtarja e njohur me origjinë shqiptare Bebe Rexha, vazhdon të jetë një nga emrat më të pëlqyer në tregun muzikor ndërkombëtar sa i përket projekteve që realizon. Prej disa kohësh tanimë ylli i muzikës është duke shijuar lidhjen e saj të dashurisë me pronarin e produksionit “Moving Images Entertainment”, Keyan Safyari.

Ky i fundit feston sot ditëlindjen e tij të 39-të dhe nuk ka munguar një dedikim special nga ylli shqiptar. Bebe ka ndarë disa momente të lumtura pranë partnerit në rrjetin social Instagram duke treguar se sa e do dhe se sa e lumtur është pranë tij. Ajo ka shkruar:

Urime ditëlindjen Keyan. Të dua!

Rikujtojmë se lidhja e Bebe-s me Safyari u bë zyrtare në verën e vitit 2020. Bebe së fundmi ka publikuar bashkëpunimin e saj më të ri me DJ-in e famshëm, David Guetta. Dyshja kanë publikuar remiksin e këngës “Blue”, në një version të ri të titulluar “I’m Good”. Me t’u publikuar, kënga ka filluar të ngjitet me shpejtësi në krye të top listave në shumë vende të ndryshme të botës. Fansat vlen të theksojmë se janë të mahnitur me versionin e ri.

Rexha, po arrin suksese shumë të mëdha në muzikë. Ajo tashmë ka grumbulluar dhe numëron me miliona klikime në platformat e ndryshme në bazë të krijimtarive muzikore që ka realizuar përgjatë viteve. Kështu ka ndodhur edhe me këngën “Me, Myself & I”, të cilën e solli rreth gjashtë vite më parë në bashkëpunim me G-Eazy. Bukuroshja tregoi se është shpërblyer nga platforma “Spotify” pasi ka arritur një miliard klikime për këngën e saj.