Këngëtarja e njohur, Taylor Swift, ka dhënë së fundmi një performancë në shi në qytetin e Nashville në SHBA dhe kështu i ka gëzuar edhe më shumë fansat e pranishëm. Performanca e saj ishte shtyrë për disa orë nga koha e planifikuar për shkak të rrezikut për goditje të rrufesë në qendër të qytetit. Pasi koncerti filloi pas orës 22:00, pjesa e dytë u shoqërua nga reshje të dendura shiu.
Everyone’s talking about midnight rain in the rain but no one’s bringing up the fact that she preformed midnight rain IN THE RAIN AFTER MIDNIGHT NO ONE ELSE WILL EVER EXPERIENCE THAT Nashville really won & I’m so happy bc y’all deserved that#NashvilleTheErasTour #TheErasTourTS pic.twitter.com/BDaygPqlmN
— Sammi🐍🖤 (@SammisRepEra) May 8, 2023
Duke qenë se ishte një hapësirë e hapur, 70 mijë fansa mbetën duke pritur performancën e saj, ndërsa Swift nuk donte të hiqte dorë nga interpretimi, kështu që performoi në shi për gati dy orë. “Kjo është diçka që ne të gjithë e bëjmë së bashku. Është si një përvojë lidhjeje. Të gjithë do të largohemi nga këtu sonte duke u dukur kështu siç jemi. Njerëzit do t’ju pyesin se ku keni qenë dhe ju do të thoni se ishit në ‘Eras Tour’. Jemi të gjithë të lagur”,-ka thënë këngëtarja në mes të koncertit.
Vendimi i saj për të vazhduar koncertin ndërkohë që binte shi, i gëzoi njerëzit në mbarë botën dhe pamjet nga performanca mblodhën miliona shikime dhe reagime të shumta. Ndërkaq, lartë e poshtë po qarkullojnë thashetheme se kampioni i Formula 1, Fernando Alonso, po takohet me yllin e muzikës pop Taylor Swift. Piloti spanjoll përdori këngën e Swift “Karma” në një klip që postoi në TikTok dhe teksa 41-vjeçari po e dëgjon, në fund të klipit ai i shkel syrin kamerës duke lënë të hapur mundësinë që thashethemet që thuhet se janë bashkë janë të vërteta.