Celebrities Gossip Showbiz

‘Telenovela’ Wanda-Icardi, prezantuesi i njohur me bindje të plotë: “Ajo e ka tradhtuar me një futbollist të martuar”!

Dyshja e njohur Mauro Icardi dhe Wanda Nara prej muajsh janë në qendër të mediave botërore. Pas thashethemeve për divorcin, të kompletuara me audion dhe mohimin e saj të menjëhershëm për të, një “bombë” e re vjen nga Argjentina. Sipas mediave, në fakt, ish-bashkëshortja e Maxi Lopez e ka tradhtuar sulmuesin e PSG-së me një tjetër futbollist i cili mbi të gjitha është i martuar. Si kundërpërgjigje, çifti ka postuar foto të familjes në dukje të lumtur me pushime në Ibiza.

https://www.instagram.com/p/ChAmIkgvrpc/

Fillimisht futbollisti u tha se kishte tradhtuar gruan e tij me modelen China Suarez dhe tani duket se showgirl-i ia ka kthyer me të njëjtën monedhë. Për këtë është i bindur Lucas Bertero, drejtuesi i programit “A la tarde” që në transmetimin e tij zbuloi:

Wanda tashmë ka disa kohë që ngushëllon veten. Disa burime më tregojnë se ajo ka një flirt me një futbollist që është gjithashtu i martuar.

Por identiteti i futbollistit nuk u zbulua kurrë. Nga ana e tij, Icardi nuk mund të mohojë më thashethemet që po bëhen çdo ditë e më këmbëngulëse për krizat dhe tradhtitë dhe në rrjetet sociale poston foto në të cilat puth Wanda-n dhe ku shfaqet duke buzëqeshur me vajzat e tij Isabella dhe Françeska me pushime në Ibiza dhe shkruan: “Feliz con mis chicas”/”I lumur me vajzat e mia”. Kujtojmë se Wanda është edhe nëna e 5 fëmijëve, dy prej të cilëve i ka me futbollistin Mauro Icardi.