David Rush ka rikthyer një nga titujt e tij të mëparshëm duke thyer 110 lapsa në një minutë. Rush, qëllimi i të cilit është të mbajë shumë tituj të rekordeve botërore Guinness, fillimisht mbante titullin për shumicën e lapsave të thyer në një minutë në vitin 2019, kur ai theu 98 të tillë.
Bëhet e ditur se amerikani këtë herë theu 110 lapsa, mjaftueshëm sa për të arritur rekordin e vendosur nga Ronald Sarchian në vitin 2022. Kjo e bën atë mbajtës të 169 titujve dhe e afron atë më afër objektivit të tij prej 181. Rush i ka shtuar emrit të tij titullin e 166-të duke hedhur dhe kapur së fundmi një shpatë zjarri 73 herë në vetëm 30 sekonda.
David Rush i cili ka thyer më shumë se 250 rekorde botërore dhe aktualisht mban 166 tituj, më parë ka vendosur rekordin 1 minutësh për gjuajtjet dhe kapjet e një shpate zjarri. Titulli i 166-të e sjell atë më afër mposhtjes së Sivlio Sabba-s i cili aktualisht mban 180 tituj. Së fundmi Rush goditi përsëri teksa piu një litër lëng limoni në 13.64 sekonda, duke fituar një titull të mundshëm të rekordeve botërore Guinness dhe një dhimbje barku të pakëndshme.
