Këngëtarja Gwen Stefani, e cila nuk ka lidhje të dukshme etnike me Japoninë, po përballet me kritika për komentet që ajo bëri në një revistë në të cilën tha se si ishte ndikuar nga puna e babait të saj për një firmë japoneze dhe këmbënguli se “duhet të jetë në rregull të frymëzohesh nga kulturave të tjera”. Gwen Stefani po përballet me një reagim të ashpër pasi mbrojti ‘Harajuku’ dhe për deklarimin se si vizita e saj e parë në Tokio e bëri të besonte se “Unë jam japoneze dhe nuk e dija”.
Këngëtarja është përballur më parë me kritika për përdorimin e kulturës japoneze për të promovuar muzikën dhe produktet e saj. 53-vjeçarja italo-amerikane foli edhe për gamën e saj të parfumeve ‘Harajuku Lovers’, e cila është përballur me rritje mjaft të lartë në shitje që kur u lançua për herë të parë në vitin 2008 mes akuzave se ajo ka përvetësuar kulturën japoneze gjatë fazave të ndryshme të karrierës së saj. Në një intervistë me revistën amerikane të bukurisë ‘Allure’, këngëtarja me origjinë nga Kalifornia u pyet për linjën e parfumeve përpara se t’i referohej punës së babait të saj me ‘Yamaha’, e cila bëri që të kishte vizita të rregullta në Japoni, ku firma ka selinë e saj. Stefani tha:
Ky ishte ndikimi im japonez dhe kjo ishte një kulturë që ishte kaq e pasur me traditë, por kaq futuriste, me aq shumë vëmendje ndaj artit, detajeve dhe disiplinës dhe ishte magjepsëse për mua. Unë thashë, Zot i Madh, unë jam japoneze dhe nuk e dija. Unë jam, ju e dini!
Stefani shtoi se ajo ishte një “super fanse” e kulturës japoneze, por përdoruesit e mediave sociale e kanë kritikuar atë, duke thënë se ajo është duke u dukur si e marrë dhe se sa zhgënjyese ishte kjo deklaratë. Por të tjerët e mbështetën këngëtaren, duke pretenduar se kritikat do t’i ndalojnë muzikantët të eksplorojnë frymëzime të ndryshme nga kulturat e tjera. Stefani, e cila është e martuar me yllin e muzikës country, Blake Shelton, ishte kritikuar më parë për mënyrën se si e përdori kulturën japoneze rreth promovimit të albumit të saj debutues solo në vitin 2004, “Love. Angel. Music. Baby.”. Gjatë kësaj periudhe ajo u mbështet nga kërcimtarë japonezo-amerikanë të quajtur ‘Vajzat Harajuku’.
