Senati uruguaian ka miratuar një projektligj që legalizon eutanazinë. Masa synon të garantojë të drejtën për t’u “përballur me vdekjen me dinjitet” duke dekriminalizuar eutanazinë për të rriturit mendërisht të shëndetshëm në fazat terminale të sëmundjeve të pashërueshme dhe të pakthyeshme ose që vuajnë në mënyrë të padurueshme prej tyre.
Debati në sallë zgjati mbi 10 orë dhe në fund, të gjithë anëtarët e partisë në pushtet shprehën mbështetje për iniciativën, ashtu si edhe disa nga partitë e opozitës. Uruguai bëhet kështu vendi i parë në Amerikën Latine kryesisht katolike që legalizon eutanazinë. Një 28-vjeçare, fizikisht e shëndetshme, ka vendosur t’i japë fund jetës së saj nëpërmjet eutanazisë për shkak të betejave të saj me depresionin, autizmin dhe çrregullimin e personalitetit kufitar.
Zoraya ter Beek, e cila jeton në një fshat të vogël në Holandë afër kufirit gjerman është e dashuruar me të dashurin e saj 40-vjeçar dhe jeton me dy mace. Ter Beek, e cila dikur aspironte të bëhej psikiatre, është përballur me probleme të shëndetit mendor gjatë gjithë jetës së saj. Ajo tha se vendosi të eutanizohej pasi mjekët i thanë: “Nuk mund të bëjmë asgjë më shumë për ty. Nuk do të bëhet kurrë më mirë,”. “Unë kam qenë gjithmonë shumë e qartë se nëse nuk përmirësohem, nuk mund të vazhdoj,”-tha ter Beek.
