Volvo ka njoftuar fillimin e prodhimit të veturës së saj tërësisht elektrike ES90 për tregun evropian. Modelet e reja po dalin nga linja e montimit në qytetin Chengdu të Kinës, ndërsa shitjet pritet të nisin më vonë gjatë këtij viti.
Pas debutimit në Evropë, ES90 do të shfaqet edhe në disa vende kryesore të rajonit Azi-Paqësor, megjithëse ende nuk është bërë e qartë se cilat shtete do ta përfshijnë.
Modeli ES90 prezantohet si një “veturë për të gjitha rastet” dhe bazohet në platformën elektrike SPA2, e përdorur më parë edhe nga SUV-i EX90.
Ai do të jetë i disponueshëm në tre versione, ndërsa më shumë detaje do të publikohen së shpejti.
