Khloé Kardashian surprizoi fansat duke treguar se beson në sirena dhe se për të gjithçka është e mundur. Ylli i reality show-t bëri këtë deklaratë gjatë podcast-it të saj, Khloé in Wonder Land, ku bisedonte me motrën Kylie Jenner për teoritë konspirative dhe formën e Tokës. “Rob më dërgon gjithmonë gjëra mbi teoritë se Toka është e sheshtë dhe unë them me vete: “A mendoj se gjithçka është e mundur? Po. Besoj në sirena,” rrëfeu Khloé.
Ajo shtoi: “A besoj se gjithçka është e mundur? 100%. A kujdesem shumë? Jo. Po thjesht mbijetojmë.” Ndërkaq, në 2016‑ën, Khloé pati shkruar në një urim për mbesën e saj: “Uroj të besosh në sirena për gjithë jetën! Ashtu si bën halla jote.” Dhe në 2023‑ën, ajo e bëri këtë pasion më real duke organizuar një shfaqje private të filmit The Little Mermaid për vajzën e saj, True Thompson.
Ylli televiziv ka folur hapur për jetën e saj intime në episodin më të fundit të reality show-t The Kardashians. Gjatë një bisede me motrën e saj Kim dhe parukierin Chris Appleton, ajo pranoi se nuk ka qenë në një marrëdhënie intime me askënd për një kohë të gjatë. Ndërsa darkonin në Itali, Chris bëri shaka: “Le të gjejmë një të dashur për Khloe”. Khloe u përgjigj sinqerisht: “Kam kohë që nuk kam marrëdhënie intime me askënd.” Në rrëfimin e saj para kamerave, ajo shtoi: “Po kthehem në fillim, sikur të isha rilindur”.
Kim dhe Chris vazhduan ta pyesnin për jetën e saj romantike, duke dashur të dinin saktësisht sa kohë kishte kaluar që nga lidhja e saj e fundit. “Jeni të fiksuar me faktin që nuk kam bërë seks prej vitesh. Mund ta gjeja lehtësisht dikë por nuk dua”. Khloe, e cila ishte e martuar me Lamar Odom nga 2009 deri në 2016, shtoi: “Ndoshta do të jem unë pas disa vitesh, duke u martuar me shtratin tim. Do të ishte bukur. Do të martohesha me shtratin tim. E di që do të kthehem aty çdo natë, do të jetë gjithmonë aty për mua, do të më përqafojë sa herë të dua dhe kurrë nuk do të më kundërshtojë”. Më vonë, ndërsa largoheshin nga restoranti, Khloe përmblodhi situatën: “Njerëz, jeta ime romantike nuk ekziston”.
