Gjatë verës, dëshira për një lëkurë të butë dhe të shëndetshme bëhet më e fortë se kurrë. Për ata që vuajnë nga lëkura e fortë dhe e trashur në duar apo këmbë – shpesh e njohur si “kallo”, zbuloni një trajtim të thjeshtë dhe krejtësisht natyral, që mund ta përgatisni lehtësisht në shtëpi.
Përveç këshillës së përhershme për të pirë të paktën 8 gota ujë në ditë për të mbajtur trupin dhe lëkurën të hidratuar, ky trajtim lokal me bazë uthull molle mund të bëjë mrekulli për lëkurën e dëmtuar dhe të ashpër.
Përbërësit që ju duhen:
– 50 ml uthull molle
– 1 fetë buke
– Qese plastike kuzhine
Përgatitja dhe aplikimi:
Në një enë të vogël hidhni uthullën e mollës dhe zhysni në të fetën e bukës. Lëreni të qëndrojë për disa orë, derisa buka të zbutet dhe të formohet një masë e ngjashme me pastën.
Vendoseni këtë përzierje mbi zonën ku keni kallon, mbështilleni me një qese plastike për të fiksuar trajtimin dhe lëreni të veprojë gjatë gjithë natës.
Të nesërmen, shpëlajeni zonën me ujë të bollshëm.
Pse funksionon ky trajtim?
Uthulla e mollës është e njohur për vetitë e saj antibakteriale dhe pastruese. Kur aplikohet në lëkurë, ndihmon në zbutjen e shtresave të trasha të lëkurës dhe hidraton në thellësi.
Nëse keni kallon shumë të fortë, rekomandohet që fillimisht të mbani këmbët në ujë të ngrohtë me sodë buke për 30 minuta – kjo do të ndihmojë në zbutjen e lëkurës dhe përthithjen më të mirë të trajtimit.
Përsëriteni këtë metodë një herë në javë ose sipas nevojës, dhe shumë shpejt do të shihni ndryshimet: këmbë të buta, të lëmuara dhe të hidratuara, pa shenja të kallove bezdisëse.
