Podcasti “Labirint në tru” është një hapësirë për të kuptuar situatat individuale dhe shoqërore të adoleshentëve dhe jo vetem!
“Labirint në tru” është urë lidhëse mes prindit dhe fëmijës, mes mësuesit dhe nxënësit, nënës dhe vajzës, babait e djalit. Mes prindërve të divorcuar, për të lënë hatërmbetjet menjëanë, e për të treguar pozicionin e tij/të asaj ndaj fëmijëve të pafajshëm. “Labirint në tru” është shumësi arsyetimesh objektive që na mundësojnë të kuptojmë qasje praktike të botës që na rrethon.
“Labirinti në tru” është një shprehje metaforike që përshkruan gjendjen tonë dhe skutat e errëta të trurit, kur mendimet janë të ngatërruara dhe është e vështirë të gjesh qartësi.
Labirinth i ngjan një rruge të ndërlikuar ku çdo mendim të çon në një tjetër, pa gjetur dot një dalje të qartë. Pra të gjithë ne gjatë rrugëtimit të jetës gjendemi në një moment në udhëkryq.
