Dëshira për të konsumuar ushqime të ëmbla apo pije me kafeinë gjatë ditëve të ngarkuara mund të jetë më shumë se një zakon ajo mund të tregojë mënyrën se si trupi dhe mendja juaj i përballojnë stresin. Sipas ekspertëve të shëndetit, këto zgjedhje ushqimore shpesh shërbejnë si mjete të vetëqetësimit në periudha të tensionuara.
Dietologia Annabelle Johnson shpjegon se konsumimi i sheqerit stimulon sistemin e shpërblimit të trurit, duke nxitur çlirimin e dopaminës kimikatit që lidhet me ndjesinë e kënaqësisë. “Kjo është arsyeja pse ndonjëherë na duket sikur një çokollatë ose një ëmbëlsirë na ‘ngre’ shpirtin në një ditë të vështirë,” thotë ajo.
Njësoj, edhe kafeina pranishme në kafe dhe çaj mund të sjellë përfitime të përkohshme si rritje të përqendrimit dhe vigjilencës, sidomos pas një gjumi të pamjaftueshëm. Por Johnson paralajmëron se teprimi me të dyja këto substanca mund të ketë pasoja: sheqeri i tepërt mund të çojë në luhatje të energjisë dhe niveleve të sheqerit në gjak, ndërsa kafeina e tepruar mund të shkaktojë ankth dhe pagjumësi.
Psikologu klinik Muhammad Haikal Jamil thotë se zakone të tilla nuk janë vetëm fizike, por edhe emocionale. Ai shpjegon se dëshira për ëmbëlsira shpesh lidhet me nevojën për shpërblim emocional dhe qetësim gjatë stresit. “Ushqimi mund të na japë një ndjesi kontrolli dhe të na ndihmojë të shkëputemi përkohësisht nga stresi që përjetojmë,” shprehet ai.
Psikologia Ooi thekson se megjithëse konsumimi i një kafeje apo ëmbëlsire mund të ofrojë një lehtësim të shpejtë, ai nuk ndihmon në ndërtimin e aftësive të shënd
