Aktori Chris Noth, i njohur për rolin e Mr. Big në serialin “Sex and the City”, ka sulmuar publikisht ish-bashkëyllin e tij Sarah Jessica Parker përmes një postimi të çuditshëm në rrjetet sociale.
Noth, 71 vjeç, u përfshi në një skandal në vitin 2021, pasi dy gra anonime e akuzuan për sulme seksuale në incidente të ndara në vitet 2004 dhe 2015.
Edhe pse ndaj tij nuk u ngritën akuza penale dhe ai i ka mohuar kategorikisht pretendimet, pasojat ishin të menjëhershme: karriera e tij në film dhe televizion u ndal pothuajse plotësisht.
Tani, ai ka reaguar ashpër ndaj Sarah Jessica Parker, 60 vjeçe, pasi ajo u nderua javën e kaluar me Çmimin Carol Burnett, pak para Golden Globes. Gjatë fjalimit të pranimit, Parker foli me emocione për bashkëpunimin 25-vjeçar me “një nga ansamblet më të mrekullueshme të grave dhe aktorëve” në “Sex and the City”.
Megjithatë, duket se ky vlerësim nuk u prit mirë nga Noth. Ai publikoi një foto nga palestra, ku shfaqej duke ushtruar, të shoqëruar me mbishkrimin:
F&@k New Years, LET’S GO!
Kur një ndjekës komentoi:
E ke fjalën ‘f**k Sarah Jessica Parker dhe çmimin e saj’, apo jo? Lol
-Noth u përgjigj shkurt:
Po
Ky reagim i tij i papritur ka ngjallur konfuzion mes fansave, të cilët kanë kërkuar shpjegime për sulmin publik.
Na duhet çaji, çfarë ka ndodhur?
-shkroi një përdorues, ndërsa të tjerë pyetën nëse kishin humbur ndonjë zhvillim të rëndësishëm.
Pas akuzave të vitit 2021, Noth u hoq nga agjencia e tij dhe personazhi i tij u eliminua nga seriali “The Equalizer”.
Gjithashtu, producentët e “And Just Like That…” hoqën të gjitha skenat e xhiruara me të.
Në atë kohë, Parker dhe koleget e saj Cynthia Nixon dhe Kristin Davis deklaruan se mbështesnin gratë që kishin dalë publikisht me akuza.
Në një intervistë të vitit 2022, Parker konfirmoi se nuk kishte pasur asnjë kontakt me Noth që nga shpërthimi i skandalit.
Aktori vazhdon të mohojë akuzat, duke i quajtur marrëdhëniet “konsensuale”, ndërsa karriera e tij mbetet në hije, me projekte të pakta dhe pa një rikthim të qartë në skenën kryesore të Hollivudit.
