Një incident serioz sigurie ka tronditur fundjavën në Shtetet e Bashkuara, pasi gjatë Darkës vjetore të “White House Correspondents’ Association” u raportua për një kërcënim me armë zjarri që shkaktoi panik mes të pranishmëve.
Ngjarja ndodhi të shtunën në Washington Hilton, ku po zhvillohej eventi me pjesëmarrjen e figurave të rëndësishme politike, gazetarëve dhe personazheve publikë.
Sipas raportimeve, një person i armatosur tentoi të hynte me forcë në zonën e siguruar të aktivitetit, duke detyruar reagimin e menjëhershëm të “United States Secret Service”.
Për arsye sigurie, mes personave që u larguan me urgjencë nga ambientet ishte edhe presidenti Donald Trump, së bashku me zonjën e parë dhe zyrtarë të tjerë të lartë.
Ngjarja shkaktoi reagime të shumta në rrjetet sociale, ku ndër më të komentuarit ishte edhe Elon Musk.
Përmes platformës X, ai kritikoi klimën politike në vend dhe paralajmëroi për tensionet në rritje.
Reagimi i tij ndezi debat online: disa e mbështetën, ndërsa të tjerë e akuzuan për gjuhë përçarëse dhe shtim të tensioneve politike.
Ngjarja e fundit ka rikthyer vëmendjen te siguria në eventet e nivelit të lartë në Shtetet e Bashkuara, ndërsa autoritetet ende nuk kanë bërë publike të gjitha detajet dhe hetimet vazhdojnë.
