Ariana Grande duket se ka gjetur sërish rrugën drejt një dashurie të vjetër. Sipas raportimeve të mediave amerikane, këngëtarja është ribashkuar me ish-të dashurin e saj, Ricky Alvarez, pas përfundimit të lidhjes me aktorin Ethan Slater.
Sipas TMZ dhe People, Ariana dhe Ricky po i japin vetes një tjetër mundësi, megjithëse nuk po nxitojnë ta etiketojnë menjëherë marrëdhënien si serioze.
Burime pranë këngëtares bëjnë të ditur se dyshja është parë së bashku disa herë gjatë javëve të fundit, madje Ricky mori pjesë edhe në festimet e 4 Korrikut me familjen e artistes.
Ata nuk po nxitohen. Ariana është thjesht shumë e lumtur që Ricky është rikthyer në jetën e saj
-tha një burim për People.
Sipas të njëjtit burim, Alvarez i sjell qetësi dhe pozitivitet këngëtares, e bën të qeshë dhe ajo ndihet mirë në shoqërinë e tij.
Ajo që ka tërhequr më shumë vëmendjen e fansave është një ndryshim i vogël, por domethënës, që Ariana bëri gjatë interpretimit të hitit të saj “Thank U, Next” në turneun “Eternal Sunshine”.
Në versionin origjinal të këngës ajo këndon:
Kam shkruar disa këngë për Ricky-n, tani i dëgjoj dhe qesh.
-Por gjatë një koncerti në Brooklyn, vargu u ndryshua në:
Kam shkruar disa këngë për Ricky-n, ne gjithmonë e gjejmë rrugën për t’u rikthyer te njëri-tjetri.
Ndërsa në një performancë të mëhershme në Teksas, Ariana kishte kënduar:
Kam shkruar disa këngë për Ricky-n, e di që ai është ende pranë meje.
Këto ndryshime u interpretuan menjëherë nga fansat si një sinjal se mes tyre mund të ketë rilindur dashuria.
Ariana Grande dhe Ricky Alvarez u njohën në vitin 2015, kur ai ishte balerin në turneun Honeymoon. Marrëdhënia e tyre u bë publike në vitin 2016, por zgjati rreth një vit përpara se çifti t’i jepte fund romancës.
Tani, pothuajse një dekadë më vonë, gjithçka lë të kuptohet se historia e tyre mund të ketë nisur sërish.
