Pas muajsh thashethemesh për një lidhje të mundshme, Billie Eilish dhe aktori Nat Wolff duket se po e konfirmojnë romancën e tyre, teksa shfaqen gjithnjë e më të afërt në publik.
Fundjavën e kaluar, çifti u fotografua duke shijuar një udhëtim romantik me varkë në Kanalin e Madh të Venecias, duke krijuar skena që ngjanin me ato të një filmi dashurie.
Këngëtarja e njohur, e veshur me stilin e saj karakteristik, u duk e qetë dhe e lumtur në shoqërinë e yllit të “Naked Brothers Band”. Dyshja u fotografua duke buzëqeshur, përqafuar dhe shkëmbyer puthje, ndërsa pinin shampanjë dhe bënin foto të njëri-tjetrit mes pamjeve piktoreske të qytetit italian.
Fotot e publikuara nga mediat ndërkombëtare kanë nxitur edhe më tej zërat për marrëdhënien e tyre, ndërsa fansat shprehin mbështetjen dhe kuriozitetin për romancën e re të Billie-t.
