BMW po përgatit një model të ardhshëm për rrugë të këqija që do të konkurrojë me Mercedes-Benz G-Class dhe Land Rover Defender. Pritet që SUV-i i ardhshëm i markës bavareze të shfaqet në treg pas katër vitesh. Prodhuesi gjerman do të shtojë në ofertën e tij një model të projektuar posaçërisht për aventura në rrugë të vështira. Modeli i ri në thelb do të jetë një rival i ardhshëm i Mercedes G-Class, por edhe i Land Rover Defender, sipas informacioneve të reja.
SUV-i i ardhshëm i BMW do të jetë një model me shtatë vende dhe do të prodhohet në SHBA në fabrikën e BMW në Spartanburg. Emri i koduar i modelit të ardhshëm është G74. Detajet e sistemit të fuqisë janë ende të mbuluara me mister, por duket se modeli i ri do të bazohet në një version të modifikuar të arkitekturës CLAR. Ekziston mundësia që BMW G74 i ardhshëm të fuqizohet nga një version i elektrizuar i pajisur me një motor me djegie të brendshme.
Prodhimi i gjeneratës së re të motorëve elektrikë tashmë ka filluar në fabrikën Steyr, të cilët do të pajisin modelin e ardhshëm të BMW-së “Neue Klasse”. Motori Gen6 eDrive do të jetë i pari që do të përdoret në modelin BMW iX3 dhe do të debutojë në shtator në panairin e veturave në Munich. Ky motor është zhvilluar mbi një arkitekturë elektrike prej 800 voltësh, me përmirësime të dukshme në performancë krahasuar me versionin e mëparshëm.
Sipas prodhuesit gjerman, përveç uljes së humbjeve të energjisë deri në 40 për qind, pesha e motorit është reduktuar me 10 për qind, ndërsa kostot e prodhimit janë ulur me 20 për qind. Këto përmirësime pritet të mjaftojnë që SUV-i kompakt të arrijë një autonomi prej 800 kilometrash në kombinim me bateritë e reja.
