Andy Burnham është shpallur lider i Partisë Laburiste dhe pritet që së shpejti të bëhet kryeministri i ri i Britanisë. Andy Burnham u shpall zyrtarisht lider i Partisë Laburiste në pushtet në Britani sot (17 korrik), duke kapërcyer pengesën e fundit për të marrë detyrën e kryeministrit javën e ardhshme.
Partia e qendrës së majtë shpalli këtë të premte rezultatin e garës për drejtimin e saj, e cila u zhvillua për të zëvendësuar kryeministrin në largim, Keir Starmer, dhe ku Burnham ishte kandidati i vetëm.
Shpallja e tij si lider ishte e pritshme, pasi deri të enjten në mbrëmje ai kishte siguruar mbështetjen e 379 nga 403 deputetët laburistë në Dhomën e Komunave.
