Pas ndarjes nga jeta të Hulk Hogan në korrik, në moshën 71-vjeçare, është zbuluar se legjenda e WWE ka lënë pas një pasuri prej rreth 5 milionë dollarësh.
Përfitues i vetëm i testamentit është i biri i tij, Nick Hogan, ndërsa vajza, Brooke Hogan, ka thyer heshtjen duke treguar se nuk është e befasuar nga vendimi i të atit.
Nuk është surprizë për mua. Ishte ajo që kërkova dhe nuk kam asnjë pendim
-tha Brooke, 37 vjeç, në një intervistë për TMZ më 11 shtator.
Babai im e di që jam një punëtore e palodhur dhe kam jetuar pa paratë e tij prej shumë kohësh.
Brooke u bë e njohur fillimisht si këngëtare pop, më pas si pjesë e reality show-t familjar “Hogan Knows Best” në VH1, i cili solli edhe spin-off-in e saj, “Brooke Knows Best.”
Ajo ka qenë gjithashtu pjesë e eventeve të mundjes pranë të atit, para se marrëdhënia mes tyre të ftohej gjatë dekadës së fundit, mes polemikave të shumta ku Hulk u përfshi, përfshirë edhe fjalimin e tij në mbështetje të Donald Trump në Konventën Republikane të vitit 2024.
Prej vitit 2018, Brooke ka ndërtuar karrierën e saj si dizajnere e brendshme.
Në vitin 2022 ajo u martua me ish-lojtarin e NHL, Steven Oleksy, dhe në janar të këtij viti u bë nënë e binjakëve.
Komentet e saj vijnë pak ditë pasi vëllai, Nick Hogan, kërkoi një urdhër mbrojtjeje kundër moderatorit radiofonik Bubba the Love Sponge Clem, i cili është përfshirë në publikimin e kasetës intime të të atit në një dokumentar të ri.
