Një muaj pas ndarjes nga jeta të legjendës së WWE, Hulk Hogan, bashkëshortja e tij Sky Daily po përgatitet të ngrejë një padi për keqpërdorim mjekësor.
Ajo beson se një nga mjekët që e trajtoi mund të ketë qenë përgjegjës për vdekjen e 71-vjeçarit.
Sipas TMZ Sports, padia pritet të përqendrohet në operacionin në qafë që Hogan iu nënshtrua në maj.
Sky ka deklaruar se ndërhyrja mund të ketë dëmtuar nervin frenik – nerv që kontrollon diafragmën dhe ndikon drejtpërdrejt në procesin e frymëmarrjes.
Hogan ndërroi jetë më 24 korrik në shtëpinë e tij në Clearwater Beach, Florida.
Në thirrjen e saj 911, Sky dëgjohet duke thënë:
Burri im nuk po merr frymë. Ai thjesht ndaloi së marri frymë.
Burime pranë ngjarjes theksojnë se kjo tregon se nuk bëhej fjalë për një atak të papritur në zemër, por për ndalim të frymëmarrjes.
Një terapist okupacional, i pranishëm në banesën e tij ditën e ngjarjes, i tha autoriteteve se Hogan kishte probleme me nervin frenik.
Ndërkohë, Sky ka kërkuar edhe një autopsi private si pjesë e hetimeve të saj për neglizhencë të mundshme mjekësore, por rezultatet ende nuk janë bërë publike.
Megjithatë, raporti zyrtar i ekzaminuesit mjekësor, i siguruar nga “New York Post”, përcakton se shkaku i vdekjes ka qenë një infarkt akut i miokardit.
