DJ-i i njohur skocez, Calvin Harris, 41 vjeç, dhe bashkëshortja e tij, prezantuesja britanike Vick Hope, 35 vjeç, do të bëhen prindër për herë të parë.
Lajmi i ëmbël është konfirmuar pas disa spekulimeve që nisën të qarkullonin në rrjet pas një interviste të Hope në BBC Radio 1.
Gjatë intervistës me aktoren Florence Pugh për serialin “Thunderbolts” të Marvel, Vick u shfaq me një fustan krem dhe u vu re teksa përkëdhelte butësisht barkun, duke ndezur thashethemet për një shtatzëni të mundshme.
Menjëherë pas transmetimit të intervistës, Hope publikoi në Instagram disa imazhe ku barku i saj i rrumbullakosur ishte në qendër të vëmendjes.
Ajo ndau momente të ndryshme nga jeta e saj e fundit profesionale, duke shkruar në Stories:
Shumë gjëra kanë ndodhur kohët e fundit
Në postim përfshihej një foto gjatë intervistës me Florence Pugh, si dhe një tjetër imazh nga një event ku Vick prezantonte në skenë e veshur me një fustan të bardhë të ngushtë dhe një xhaketë të hapur, që theksonte barkun e saj të rrumbullakosur.
Fansat dhe miqtë e çiftit e mbushën postimin me urime dhe komente të ngrohta, ndërsa çifti duket më i lumtur se kurrë që po përgatitet për të nisur këtë kapitull të ri në jetën e tyre.
Harris dhe Hope kurorëzuan dashurinë e tyre në shtator të vitit 2023, dhe tani duket se familja e tyre po zgjerohet.
