Një lëvizje e fundit në rrjetet sociale ka rikthyer në qendër të vëmendjes raportin mes Ledri Vulës dhe Xhensila Myrtezajt, dy artistëve që prej muajsh kanë qenë objekt i spekulimeve për afërsinë e tyre.
Së fundmi, ndjekësit kanë vënë re se të dy nuk e ndjekin më njëri-tjetrin në Instagram. Ky veprim ka mjaftuar për të nxitur aludime se mes tyre mund të ketë ndodhur një ftohje.
Sipas disa burimeve, marrëdhënia mes dy artistëve nuk ka qenë e njëjtë prej disa kohësh dhe distancimi mund të ketë nisur më herët. Megjithatë, këto pretendime nuk janë konfirmuar nga asnjëri prej tyre.
Ajo që ka tërhequr edhe më shumë vëmendjen është koha kur ndodhi ky ndryshim. “Unfollow”-i erdhi vetëm një ditë pas ditëlindjes së 40-të të Ledri Vulës, në një moment kur shumë ndjekës prisnin që Xhensila ta uronte publikisht. Në vend të një urimi, fansat vunë re se dy artistët nuk e ndiqnin më njëri-tjetrin.
Prej rreth një viti, Ledri dhe Xhensila kanë qenë shpesh në qendër të vëmendjes për shkak të paraqitjeve të tyre të përbashkëta dhe afërsisë së dukshme. Kjo ka ushqyer vazhdimisht spekulime për natyrën e raportit mes tyre.
Megjithatë, as Ledri Vula dhe as Xhensila Myrtezaj nuk kanë konfirmuar ndonjëherë publikisht se mes tyre ka pasur një lidhje romantike, ndërsa deri më tani nuk kanë reaguar as ndaj aludimeve të fundit që po qarkullojnë në rrjetet sociale.
