Charlize Theron ka tërhequr sërish vëmendjen e publikut, pasi ndau një prej pozave të saj më të guximshme deri më sot, vetëm pak orë përpara premierës londineze të filmit të ri “The Odyssey”.
Aktorja fituese e çmimit Oscar, 50 vjeçe, publikoi në rrjetet sociale një fotografi artistike ku shfaqej pa bluzë, duke mbuluar gjoksin me duar dhe me një çarçaf, ndërsa pamjen e kompletoi me flokë të krehur mbrapa dhe buzëkuq të kuq të ndezur. Fotografia u bë menjëherë virale mes fansave.
Më vonë, Charlize ndryshoi tërësisht stil, duke u paraqitur në festën pas premierës së “The Odyssey” me një fustan të gjatë në ngjyrë të kuqe të ndezur, që i nxirrte në pah elegancën dhe fizikun e saj.
Gjatë premierës së filmit në Londër, aktorja u shfaq gjithashtu në tapetin e kuq me një fustan elegant të zi nga Givenchy, duke tërhequr vëmendjen e fotografëve dhe të pranishmëve.
Charlize është aktualisht në turne promovues për “The Odyssey”, ku interpreton personazhin e Circes, përkrah një kasti të njohur që përfshin Anne Hathaway dhe Matt Damon. Filmi epik, me regji të Christopher Nolan, rrëfen udhëtimin e gjatë të Odiseut pas përfundimit të Luftës së Trojës.
Paraqitja e saj vjen pak javë pasi aktorja bëri bujë me një intervistë ku foli hapur për jetën personale, duke pranuar se ndihet më e lirë dhe më e lumtur se kurrë në këtë fazë të jetës së saj.
