OpenAI ka shtuar një shkurtesë për shërbimin e saj SearchGPT në pajisjet iPhone dhe iPad. Versioni i fundit i aplikacionit ChatGPT, nga OpenAI, ka marrë një opsion të ri “Open SearchGPT” brenda aplikacionit Shortcut në pajisjet iPhone dhe iPad. Për ata që kanë qasje në SearchGPT, shtypja e shkurtesës hap aplikacionin ChatGPT dhe mundëson funksionet e kërkimit në internet.
OpenAI shtoi ChatGPT Search në ChatGPT në fund të tetorit, duke prezantuar një kërkim të përmirësuar në internet të mundësuar nga inteligjenca artificiale. SearchGPT është i disponueshëm për ata që kanë ChatGPT Plus dhe ChatGPT Teams, dhe OpenAI planifikon të ofrojë mbështetje për të gjithë përdoruesit e tjerë në muajt e ardhshëm.
Elon Musk po përpiqet të detyrojë gjykatën të ndalojë kalimin e OpenAI në një entitet fitimprurës, tregon një dosje e re. Në një mocion të paraqitur të premten, avokatët e Musk i kërkuan Gjykatës së Qarkut të SHBA për Qarkun Verior të Kalifornisë që të lëshonte një urdhër kundër OpenAI, duke e penguar atë të përfundonte kalimin e saj nga një kompani jofitimprurëse në një kompani fitimprurëse. Nëse pranohet, kërkesa për një urdhër ndalimi do të pengonte tranzicionin fitimprurës të OpenAI dhe do ta detyronte kompaninë të ndalonte partneritetin e saj me Microsoft.
Musk dhe CEO i OpenAI Sam Altman ishin pjesë e një grupi figurash të Silicon Valley, të cilët bashkëthemeluan ose ndihmuan në financimin e OpenAI në 2015 si një organizatë jofitimprurëse. Musk investoi midis 45 dhe 50 milionë dollarë në kompani. Në shtator, OpenAI tani me vlerë më shumë se 150 miliardë dollarë njoftoi se planifikonte të ristrukturohej në një entitet fitimprurës gati një dekadë pas lançimit.
Deri më tani i disponueshëm vetëm për përdoruesit që paguajnë 20 dollarë në muaj për ChatGPT+, aplikacioni desktop i ChatGPT për Windows tani është i hapur për përdoruesit që duan të përdorin chatbot-in popullor pa paguar një abonim. OpenAI ka lançuar aplikacionin ChatGPT për Windows, i pajtueshëm me Windows 10 dhe 11, kështu që tani të gjithë mund ta përdorin pavarësisht nëse paguajnë apo jo, të ndërveprojnë me ChatGPT përmes uebit, aplikacionit celular ose nga desktopi i tyre.
Ajo që e dallon qasjen përmes aplikacionit të ri është integrimi i tij pak më i thellë me Windows. Kështu, ai mbështet shkurtesat e tastierës, për shembull për hapjen e shpejtë të një dritareje për të bërë pyetje, kopjimin e përgjigjes së fundit dhe të ngjashme. Për më tepër, është më e lehtë të transferoni “screenshot” drejtpërdrejt në aplikacion, të shkrepni fotografi me kamerën e integruar në ueb, ndërsa abonentët mund t’i bëjnë pyetje chatbot-it edhe me zë.
