Krahasimet në rrjetet sociale mes personazheve publike duket se nuk kanë të ndalur dhe këtë herë në qendër të vëmendjes është vënë Dea Mishel.
Ish-banorja e Big Brother VIP është krahasuar së fundmi me Selin, banoren aktuale të shtëpisë, duke nxitur komente dhe reagime të shumta për pamjen fizike dhe stilin e tyre.
Pas zhurmës së krijuar, Dea ka vendosur të reagojë publikisht përmes një story në Instagram.
Ajo ka ndarë një mesazh të dërguar nga një ndjekës, i cili me ironi e pyeste nëse ajo kishte qenë shtatzënë në të njëjtën kohë me Selin gjatë pjesëmarrjes në “Big Brother VIP 2”.
Pa humbur humorin, Dea iu përgjigj hapur situatës duke shkruar:
S’jeni mirë hahahahahaha. Ç’a futen biondet në Big, më ngjisni mua çdo vit
-duke lënë të kuptohet se këto krahasime janë bërë tashmë të zakonshme për të.
Reagimi i saj është parë nga ndjekësit si një përgjigje e drejtpërdrejtë, plot ironi dhe pa komplekse ndaj komenteve që qarkullojnë në rrjete. Dea ka sinjalizuar se nuk i merr seriozisht këto krahasime, të cilat i konsideron të pavenda dhe të përsëritura.
Ndërkohë, postimi i saj ka ndezur edhe më shumë diskutimet online.
Një pjesë e ndjekësve shprehen se Dea dhe Selin nuk kanë asnjë ngjashmëri, ndërsa të tjerë vazhdojnë t’i krahasojnë ato.
Megjithatë, Dea Mishel duket e vendosur të qëndrojë e qetë, duke iu përgjigjur zhurmës së rrjeteve sociale me humor dhe ironi.
