Princi dhe Bigi Jackson, djemtë e legjendës së muzikës pop Michael Jackson, janë shfaqur sërish në publik pas një periudhe të gjatë mungese, duke tërhequr vëmendjen në premierën e filmit biografik “Michael” në Berlin.
Dy vëllezërit morën pjesë në event së bashku me pjesëtarë të tjerë të familjes Jackson dhe u shfaqën në tapetin e kuq me një stil veshjeje që rikujtonte imazhin ikonik të babait të tyre të ndjerë.
Bigi Jackson kishte vendosur gjithashtu një shirit në krah me një nga momentet më të famshme të performancave të Michael Jackson, duke i shtuar një notë simbolike paraqitjes së tij.
Në premierë ishin të pranishëm edhe disa anëtarë të tjerë të familjes, përfshirë Jackie, Jermaine dhe Marlon Jackson, si dhe një pjesë e gjerë e nipërve dhe mbesave të familjes së famshme.
Megjithatë, në sy ra edhe mungesa e disa figurave të njohura të klanit Jackson, mes tyre Janet Jackson, LaToya Jackson dhe Paris Jackson, gjë që ka ngjallur diskutime në rrjet.
Sipas burimeve pranë familjes, mungesa e Janet Jackson lidhet me mosmarrëveshje rreth filmit biografik dhe mënyrës se si janë trajtuar disa pjesë të jetës së Michael Jackson.
Pavarësisht debateve dhe tensioneve familjare, filmi “Michael” pritet të sjellë në ekran historinë e një prej artistëve më ikonë në historinë e muzikës botërore dhe të rikthejë edhe një herë trashëgiminë e tij në vëmendjen e publikut.
