Presidenti reagoi me tone të ashpra në platformën e tij Truth Social, duke akuzuar rrjetin për “fake news” dhe për mbështetje të hapur ndaj demokratëve.
Nuk mund ta besoj që ABC Fake News e ka rikthyer Jimmy Kimmel në punë. Audienca e tij është zhdukur, ai nuk ka qenë kurrë qesharak dhe është një tjetër krah i Komitetit Demokratik
-shkroi Trump, duke shtuar se po shqyrton mundësinë e një padie ndaj rrjetit.
Trump kujtoi gjithashtu se një përballje e mëparshme e tij me të njëjtin rrjet i kishte sjellë përfitime financiare, duke lënë të kuptohet se mund të ndodhë e njëjta gjë edhe këtë herë.
Herën e fundit mora 16 milionë dollarë. Kjo mund të jetë edhe më fitimprurëse
-u shpreh ai me ironi.
Kujtojmë se më 17 shtator, shfaqja e Kimmel u anulua në momentet e fundit nga ABC pas komenteve të tij mbi të shtënat fatale të aktivistit konservator Charlie Kirk.
Heshtja e prezantuesit në ditët që pasuan ngjalli reagime të forta në Hollywood, me shumë figura publike që shprehën mbështetje për të.
Nën presionin e madh publik, rrjeti televiziv vendosi të rikthente programin në transmetim, duke i dhënë fund një jave plot polemika.
