Këngëtarja e njohur Sabrina Carpenter ka befasuar fansat me një transformim drastik në pamje, duke lënë pas flokët e saj ikonike bionde për një look krejtësisht ndryshe.
Në një set fotografik për revistën Perfect Magazine, 26-vjeçarja shfaqet si brune, me një stil retro të frymëzuar nga vitet ’60, duke përfshirë veshje klasike dhe një paruke të gjatë të zezë që e bën pothuajse të panjohshme.
Ky ndryshim vjen në një moment kyç për karrierën e saj, teksa artistja po punon për projekte të reja në muzikë dhe aktrim. Paralelisht, ajo po përgatitet për një arritje të madhe: të ngjitet si kryesuese në Coachella, ku pritet të performojë përpara mijëra fansave.
Sabrina ka zbuluar se përgatitjet për këtë performancë kanë nisur prej muajsh dhe e konsideron si projektin më ambicioz në karrierën e saj deri më tani.
Ajo rikujtoi gjithashtu momentin e saj në Coachella në vitin 2024, kur performoi në të njëjtën ditë që publikoi hitin “Espresso”, duke e bërë rikthimin në këtë skenë edhe më domethënës.
