Aktorja Jamie Lee Curtis dhe gazeta The Guardian i janë bashkuar grupeve të njerëzve që braktisin rrjetin social X të Elon Musk. Miliona në vend të kësaj i janë bashkuar aplikacionit Bluesky, i krijuar nga ish-themeluesi i Twitter, Jack Dorsey. Sipas llogarisë zyrtare të Bluesky, një milion njerëz iu bashkuan platformës pasi Musk iu dha një pozicion në qeverinë e Donald Trump. “Përafrimi i Musk me presidentin e zgjedhur Trump dhe përdorimi i tij i platformës për të promovuar interesat e presidentit të zgjedhur padyshim që po dëbon shumë njerëz”-tha Adam Tinworth, ekspert i rrjeteve sociale.
Ndërkaq, AOC ka qenë aktive në platformën Bluesky që nga pranvera e vitit 2023. Profili i politikanes amerikane, Alexandria Ocasio-Cortez (AOC) u bë llogaria e parë individuale me një milion ndjekës në Bluesky. Platforma e decentralizuar pati një rritje pas zgjedhjeve në SHBA, me bazën e saj të përdoruesve që u trefishua brenda tre muajve. Arsyeja për këtë është ajo që AOC shkroi për platformën X të Elon Musk në një njoftim të fundit se njerëzit po largohen nga Twitter sepse nuk është më argëtuese dhe askush nuk është i detyruar të jetë në një platformë që nuk e pëlqen.
AOC ishte aktive në platformën Bluesky shumë kohë përpara rritjes së saj paszgjedhore dhe ka më shumë se 430 postime që kur iu bashkua platformës në prill të vitti 2023. “Kamerierja u kthye në kongresmene për Bronx dhe Queens”-thuhet në përshkrimin e profilit të saj. Bluesky vazhdon të ketë llogarinë më të njohur në platformën e vet, me afro 17 milionë ndjekës në kohën e shtypit. Por, Alexandria Ocasio-Cortez me mbi një milion ndjekës ka më shumë përdorues në mesin e individëve në këtë rrjet. Më të afërt janë George Takei, me mbi 860 mijë ndjekës dhe Mark Hamill me mbi 800 mijë.
