Pas përfundimit të edicionit të katërt të “Big Brother VIP Albania”, ku u rendit e katërta në podium, Egli Tako ka reaguar për herë të parë në rrjetet sociale.
Në një postim të gjatë në Instagram, këngëtarja i quan ditët e kaluara brenda shtëpisë “një kapitull të paharrueshëm” dhe shpreh mirënjohje për të gjithë ata që e kanë votuar e mbështetur:
Faleminderit nga zemra publiku im për dashurinë dhe mbështetjen e pakushtëzuar që ma keni dhënë. Jeni bekim – ju dua shumë secilin prej jush!
Artistja ka nënvizuar se për të “ëndrra vazhdon”.
Postimi u shoqërua me një foto nga festa pas përfundimit të “Big Brother”, teksa finalistja premtoi se së shpejti do të rikthehet pranë publikut për të gjithë dashurinë e dhuruar.
Egli ka falënderuar edhe producenten e programit, Sara Hoxha, për gjithçka, duke e cilësuar atë një grua të fortë, me të cilën dhe ne biem dakord.
