Një studim i ri tregon se ëndrrat nuk janë thjesht të rastësishme, por ndikohen kryesisht nga personaliteti dhe përvojat e përditshme. Kërkuesit nga IMT School for Advanced Studies Lucca analizuan mbi 3,700 përshkrime ëndrrash nga 287 persona. Rezultatet, të publikuara në Communications Psychology, tregojnë se mënyra si mendojmë gjatë ditës dhe përjetimet tona ndikojnë drejtpërdrejt në përmbajtjen e ëndrrave.
Personat me mendime të shpërndara gjatë ditës kanë më shpesh ëndrra kaotike, ndërsa ata që i konsiderojnë ëndrrat domethënëse i përjetojnë ato më të gjalla dhe më koherente. Edhe faktorët e jashtëm luajnë rol: gjatë pandemisë COVID-19, ëndrrat ishin më intensive dhe të lidhura me izolimin, por këto efekte u zbehën me kthimin në normalitet. Studiuesit theksojnë se ëndrrat nuk kopjojnë jetën reale, por e transformojnë atë në skenarë të rinj, shpesh surrealë, duke kombinuar kujtime, emocione dhe përvoja.
Gjatë fazës REM truri është më aktiv dhe prodhon ëndrrat më të shpeshta. Ëndrrat janë pasqyrim i nënvetëdijes sonë dhe çdo natë ëndërrojmë diçka. Edhe pse me siguri nuk i kujtojmë të gjitha, njerëzit mesatarisht ëndërrojnë katër deri në gjashtë herë gjatë natës. Më së shumti ëndërrojmë gjatë fazës REM të gjumit (lëvizje të shpejta të syve), sepse është periudha kur truri ynë është më aktiv. Nëse flini tetë orë, ka shumë gjasa që të ëndërroni rreth 100 minuta gjatë natës.
Është diçka shumë e zakonshme, por kur të ndodh ty, të duket sikur po çmendesh pak: fle krejt në rregull me faktin që lidhja ka mbaruar, dhe zgjohesh e hutuar, pak e trishtuar, sepse gjithë natën ke parë ëndrra me ish-partnerin. Sipas specialistëve të ëndrrave, kjo është normale. Një njeri që e ke dashur dhe ka pasur peshë në jetën tënde mund të shfaqet në ëndrra edhe shumë kohë pasi gjithçka ka mbaruar. Dhe kjo, shpesh, nuk do të thotë që ti “e do akoma” apo që brenda vetes po kërkon të rikthehesh. Mund të jetë thjesht mënyra si mendja po përpunon emocione të reja, ngjarje të sotme, ose pasiguri që s’kanë domosdoshmërisht lidhje direkte me atë person.
