Ermal Mamaqi ishte i ftuar mbrëmjen e djeshme në “Big Brother VIP Albania”, ku së bashku me këngëtaren Elvana Gjata morën pjesë në një sfidë të veçantë aktrimi me banorët.
Artistët shërbyen si juria për performancat e skuadrave, duke shpallur fitues skuadrën më të mirë dhe humbësin, që në këtë rast ishte ajo e Rogertit.
Pas përfundimit të sfidës, Ermali zbuloi për publikun në spektaklin “Fan Club” një incident me banorin.
Sipas tij, Rogerti nuk e priti mirë vendimin e jurisë dhe reagoi menjëherë:
Pata një incident me Rogertin, nuk e di nëse u vu re gjatë Prime. Kur unë vendosa që do të shpallej fitues ky grupi që nuk ishte i Rogertit, filloi duke më sulmuar: ‘U shite’, ‘të blenë’, ‘të shitën’
-tregoi Mamaqi.
I njohur për humorin dhe sportivitetin e tij, Ermali rrëfeu edhe si kishte menduar ta merrte situatën:
Desha t’ia kapja njëherë kokën, t’ia vendosja dorën te balli dhe t’i thoja: ‘Dil satan, nga ky trup’, por nuk e bëra dot. Shaka, shaka. Nuk është aq i keq sa duket. Është shumë interesant ai
-shtoi Ermali, duke e marrë gjithçka me një dozë humori tipike për të.
