Modelja dhe sipërmarrësja e njohur Hailey Bieber u fotografua mbrëmjen e kaluar në Los Angeles, ku befasoi me një veshje krejt të pazakontë për stilin e saj të zakonshëm glamuroz.
28-vjeçarja u pa duke dalë nga restoranti Anajak Thai në Sherman Oaks, e veshur me një bluzë të bardhë transparente, xhinse të gjera “boyfriend”, shapka të zeza dhe një çantë minimaliste.
Themeluesja e “Rhode” kishte zgjedhur një pamje natyrale pa grim, me flokët e kapur dhe syze optike – një kontrast i fortë me imazhin e saj si ikonë mode.
Sipas dëshmitarëve, mikja e saj Kendall Jenner ishte gjithashtu e pranishme, megjithëse nuk u fotografua.
Kjo dalje vjen vetëm pak ditë pas bashkëpunimit të Hailey-t me Kylie Jenner për një video të përbashkët promovuese, ku dyshja prezantoi lapsin e buzëve “Bend” nga Rhode dhe “Coconut” nga Kylie Cosmetics.
Pamjet, të shpërndara në Instagram dhe TikTok, treguan kontrastin mes pamjes elegante të Kylie-t dhe stilit natyral të Hailey-t.
E martuar me këngëtarin Justin Bieber dhe tashmë nënë e një djali, Hailey vazhdon të ndërthurë modën me biznesin, shpesh duke i surprizuar ndjekësit me zgjedhje të papritura që nxisin komente të shumta online.
