Aktorja dhe këngëtarja e njohur Hilary Duff ka konfirmuar rikthimin e saj në muzikë, pas plot 10 vitesh mungesë nga skena. Ylli i pop-it ka nënshkruar një kontratë me Atlantic Records dhe do të jetë pjesë e një projekti të ri dokumentar, i drejtuar dhe prodhuar nga Sam Wrench.
Seria do të pasqyrojë rikthimin e shumëpritur muzikor të Duff, duke treguar jo vetëm procesin e regjistrimit të këngëve të reja, por edhe jetën e saj mes angazhimeve familjare, provave dhe përgatitjeve për të performuar në skenë pas një dekade.
Dokumentari do të përfshijë intervista, performanca dhe pamje arkivore, duke sjellë një panoramë të plotë të udhëtimit të saj personal dhe profesional.
Duff e konfirmoi lajmin edhe në Instagram, ku shkroi me humor:
Muzikë e re, ose diçka tjetër…
-duke lënë të kuptohet se projekti i saj i ardhshëm do të sjellë surpriza për fansat.
Ky rikthim vjen pas albumit të fundit të saj, “Breathe In. Breathe Out”, i publikuar në vitin 2015.
