Aktorja dhe këngëtarja Hilary Duff ka zbuluar momentin që nuk do ta harrojë kurrë nga roli i saj në serialin e famshëm “Gossip Girl”, dhe shumë fansa janë dakord me zgjedhjen e saj.
Gjatë një paraqitjeje në rubrikën Burning Questions të Harper’s Bazaar, aktorja 38-vjeçare u pyet:
Cili ishte momenti më i paharrueshëm duke luajtur Olivia Burke në “Gossip Girl”?
Duff u përgjigj me një buzëqeshje:
Me shumë gjasa skena me treshe ishte momenti më i spikatur
Aktorja iu bashkua serialit në vitin 2009 duke interpretuar personazhin e Olivia Burke, një yll filmi që regjistrohet në universitetin New York University për të provuar një jetë më normale.
Personazhi i saj u bë shpejt pjesë e rrethit social të elitës së Upper East Side në New York City. Olivia u bë shoqe dhome me Vanessa Abrams, personazh i luajtur nga Jessica Szohr, dhe më pas nisi një lidhje me Dan Humphrey, i interpretuar nga Penn Badgley.
Në një moment të papritur të historisë, Olivia nis një treshe me Dan dhe Vanessa, një skenë që mbeti ndër më të diskutuarat e serialit.
Mbaj mend që mendova: ‘Oh, mamaja ime do të më telefonojë pas kësaj’
-kujtoi Duff duke qeshur.
Roli në Gossip Girl ishte një ndryshim i madh për aktoren, e cila ishte bërë e famshme më parë si adoleshentja simpatike në serialin e Disney Channel, Lizzie McGuire.
Së fundmi, Hilary Duff është rikthyer edhe në muzikë me albumin e saj të ri “luck… or something”, projekti i parë muzikor pas gati një dekade.
Albumi u publikua më 20 shkurt dhe u realizua në bashkëpunim me bashkëshortin e saj, Matthew Koma.
