Noor Alfallah është fotografuar së fundmi në Beverly Hills teksa shijonte një drekë me djalin e saj dhe të aktorit legjendar Al Pacino, Roman.
Vogëlushi, i cili po afron moshën dyvjeçare, ishte veshur me një bluzë raglan të markës “Grateful Dead”, ndërsa Noor, 31 vjeç, kishte zgjedhur një pamje elegante me veshje të zeza dhe syze dielli.
Noor dhe Al Pacino nisën lidhjen në vitin 2022 dhe mirëpritën djalin e tyre në qershor 2023. Megjithëse u ndanë pak pas lindjes së Romanit, ata kanë ruajtur marrëdhënie të mira dhe e konsiderojnë bashkëprindërimin “të mrekullueshëm”.
Në deklaratat e saj, Noor ka mohuar thashethemet për një lidhje me Bill Maher dhe ka theksuar se raporti i saj me Pacinon tani është platonik, me fokus te përkujdesja për djalin e tyre.
Al Pacino, 85 vjeç, është gjithashtu baba i tre fëmijëve të tjerë nga marrëdhënie të mëparshme.
Noor ka treguar se lidhja me aktorin legjendar nisi si një miqësi e ngushtë në fund të viteve 2010 dhe u kthye gradualisht në një marrëdhënie romantike.
